تحديث (الحمد لله)

عندي حاله تسمم خفيفه بس لحد دلوقتى انا فى حاله عدم اتزان شديد وخوف
انا داخل اقولكوا ادعولى
الحمد لله الذي لا يحمد على مكروه سواه
*******************************
تحديث

اولا : انا عاجز عن الشكر ولا اجد اى كلمات شكر توفيكم حقكم فاهتمامكم هو فعلا جانب مضئ لتجربه التدوين وهو ان تهتم بشخص وتتفاعل معه دون حتى ان تكون رايته من قبل وانا لم اقابل من المدونين سوى احمد فقط ورغم ذلك فانكم جميعا تبدون اهتمامكم

الموضوع باختصار وانا فى الشغل يوم الثلاثاء حسيت فجاه وبسرعه غريبه بدوخه فظيعه وكنت على وشك الاغماء لكن ربنا ستر نزلت بسرعه ااقيس الضغط لقيته عالى جدا وقالى الدكتور الصيدلى انه ممكن يكون الاكل بتاع الفطار فى حاجه واخدت مطهر معوى وقالى بس لازم تروح لدكتور رحت للدكتور بالليل وانا فى حاله عدم اتزان تام وكنت حاسس انى باحتضر الدكتور طلب منى تحاليل واشاعات وادانى علاج موقت عملت التحاليل والاشاعات ورحتله امبارح واتفاجئت ان كل حاجه عندي بايظه
1 - نسبه الكوليسترول عاليه جدا فى الدم
2- نقرص
3- الاملاح عاليه جدا ومسببه مشاكل فى الكلى والكبد

الحمد لله على كل شئ الدكتور قالى رغم كل الكلام ده اللى انه هيتعالج بسهوله ان شاء الله وقالى ان ده راجع للوجبات السريعه واكل المحلات اللى انا عايش عليهم وادانى دواء وقالى لازم تبطل اكل من برا ولازم تبطل عصبيه ومنعنى من اكلات كتير
المهم انا قلت اشكركم واقلكم انى الحمد لله الامور ماشيه واتمنى ان العلاج يجيب نتيجه بسرعه