سواق التاكسي الملتحى

كالعادة وزى كل يوم نزلت من البيت متاخر وكالعاده برضه ركبت تاكسي عشان يودينى من البيت فى شبرا لحد الشغل فى المهندسين كل ده طبيعى لكن اللى مش طبيعى انى مبقتش فاهم الناس عاملة ازاى اخوانا الملتحين واقصد طبعا سيئي السمعه مش عمومهم لان بالتاكيد فيهم ناس محترمه لكن اللى مش محترمين دول كانوا معروفين بالتناقض يعنى تيجي تكلمه يقله استغفر الله واتقى الله ياخى وكلام من ده كانك كافر بتكلمه وفى نفس الوقت تلاقيه بيعمل نفس الحاجات اللى بينهاك عنها وده نوع منتشر قوى فى بلدنا لكن النوع اللى قابلته النهارده نوع لطيف قوى مقابلتوش قبل كده شاورت للتاكسي وقفلى التاكسي وكان فيه شاب ملتحي فى العشرينات وركبت معاه وكان مشغل قرأن ودار بينا الحوار ده.

السواق: استغفر الله العظيم ( بعصبيه)
انا : ايه مالك بس ع الصبح
السواق: بلد بقت تقرف وعالم بهايم
انا : ليه ايه اللى حصل
السواق: معرفش نزلت لقيت حد ابن وسخه كاسر الاريال بتاع العربيه
انا: (نظره ليه وانا مندهش من الفاظه) معلش بتحصل كتير تلاقيه عيل صغير بس متعود يخرب
السواق: ياعم وانا زنبي ايه ده الاريال الاصلى بتاع العربيه
انا : معلش خلاص بقي عوضك على الله هتعمل ايه
السواق: والله ياستاذ بلد معفنه دى اوربا غير كده خالص
انا: ياراجل
السواق: اه والله انتا فاكر ايه
انا: معرفش الحقيقه انا مسافرتش اوربا
السواق: مطلعتش بره مصر خالص
انا: لا سافرت رحت السعوديه والامارات والاردن وايران
السواق: لا ياعم كل ده طفش عندك اسبانيا مثلا حاجه تانيه خالص
انا : اشمعنى اسبانيا يعنى
السواق: اصل انا عشت هناك سنتين فى مره عربيه خبطت واحد مصري فى الطريق خلال دقيقتين الاسعاف خدته ودته المستشفى وعملوله عمليه وكل الفحوصات لحد ما خف وخرج ومدفعش ولا مليم واالمستشفى العام هناك انضف من دار الفؤاد هنا
انا: ده طبيعى لانهم بيحترموا حقوق الانسان
السواق: طيب هقلك على حاجه فى مره كنت فى شارع هناك اسمه شارع العشاق لقيت واد وبنت نازلين فى بعض دعك فوقفت اتفرج بعد شويه الشرطه جت خادتنى قاللولى انى بازعجهم
انا :( باستغراب شديد) وانتا واقف ببتفرج عليهم ليه اصلا
السواق : يعنى قلت شويه من نفسي
انا: على كل حال دى حاجه كويسه مش وحشه وكل فرد حر انوا يعمل اللى هوا عاوزه طول ما انه مش بيأذي غير يعنى كن حر ما لم تضر والموضوع ده لو هنا فى مصر كنت هتلاقى كل الناس بترزل عليهم ومش بعيد يجي امين شرطه ياخد منهم فلوس
السواق: لا بس احنا وضع مختلف احنا عادتنا وتقاليدنا ودينا ميسمحوش بكده
انا : ( بانفعال ) ياسلام وانتا لما كنت بتتفرج هناك ومبسوط كنت مصر ولا اسبانى كنت مسلم ولا بوذي احنا هنضحك على بعض
السواق: لا مش قصدي يعنى بس قصدي احنا مش متعودين على كده وبعدين برضه مش لازم ناخد منهم الانحلال
انا : ياحبيبي الحريه لا تتجذء هو انتا هتنقي يبقي عندنا حريه فى حاجه وحاجه تانيه لا هى الحريه كده مطلقه ياتشيل ياتسيب
انا: وبعدين احنا كل لما نقول عايزين نبقي زى اوربا تقولوا انتوا عايزنا نبقي منحلين زيهم وكان اوربا دي عباره عن سرير كبير اشمعنى الجنس اللى قافشين فيه ما تبصوا للنظافه للخدمات للقانون لحريه الراى للتقدم العلمى للاختراعات هو مش كل ده نتيجه الحريه ولا احنا مبنشوفش غير اللى احنا عاوزينه من الاخر
السواق: اه بس كده كل واحد هيعمل اللى هو عايزه
انا : وده يضايقك فى ايه يعنى متسيب كل واحد براحته هو انتا اللى هتحاسبه اللى فى الجامع فى الجامع واللى فى الكنيسه فى الكنيسه واللى فى البار فى البار هو يابنى التدين بالعافيه تفتكر لو حد صلى عشان هو مجبر انه يصلى زى السعوديه مثلا صلاته دى ليها لازمه وتلاقيه بيصلى من غير وضوؤ والله حصلت
السواق: اه ياعم ده انا ركب معايا واحد سعودي فى مره بيسئلنى عى نسوان ودقنه قد كده
انا : (ضحكت وانا ببص لدقنه) قلتله ده اللى بقلك عليه وده نتاج الحركه الوهابيه اللى خربت الدنيا
السواق : اه طبعا
انا : انتا بتقول اه بس معظم مصر دلوقتى ماشيه على المنهج الوهابى اللى افسد لم يصلح
السواق: لا ياعم احنا مش زيهم ولا حاجه البهائين دول حاجه تانيه
انا: بهائيين؟
السواق : اه البهائيين اللى انتا بتقول عليهم دول احنا مش زيهم قوى يعنى
انا : بهائيين مين يابنى البهائيه دى عقيده منفصله الوهابيه دى منهج
السواق: اه
انا : مهى دى المشكله اديك مش عارف يعنى ايه وهابيه رغم ان انتا نفسك نتيجه للحركه الوهابيه
السواق: لا ياعم انا مش زيهم انتا عارف السعودي اللى كان عايز نسوان شخرتله ونزلته من العربيه
انا : وانا بضحك ( وبرضه ببص لدقنه) شخرتله!!!
السواق: اه وبيقوله هبلغ عنك الشرطه قلتله .. امك على .. ام الشرطه
انا : كمان
السواق : اه ياعم طبعا
انا : جزاك الله خير
ووصلنا بحمد الله الى شارع سوريا بالمهندسين وطلعت عشرين جنيه ادتهاله ومستنى يدينى خمسه جنيه مهو المشوار ب15 جنيه قالى مفيش معايا فكه وبعدين خلاص بقي ياعم نهارك ابيض قلتله ايوه بس انتا حقك 15 قالى ياعم خليها عليك قلتله ماشي ياعم سلام
السواق : جزاك الله خيرا

فجيعة المهندس / اسامه البحر

فى زمن قد انتهت فيه المعجزات تجد معجزه تمشي على قدمين معجزة بشرية تجسدت فى انسان . انسان قلما تجده فى زمننا هذا فى الحقيقه عندما وعدت هذا الشخص بنشر قصته على مدونتى كان براسي ما يكفي لملأ مجلد كامل ولكن حينما شرعت فعليا فى الكتابه لم اجد ما يسعفنى من الكلمات لشرح تلك الكارثه . عندما تشاهده ستكون قد رأيت شخصا شعر بيوم القيامه وكأنه رأه هكذا وصف يوم فقد اسرته بالكامل فى انهيار عماره لوران الشهيرة بالاسكندرية

انه المهندس / اسامه البحر

لقد كنت اعلم منذ فتره بأمر الحادث الجلل الذي تعرض له اسامه البحر ولكن كانت المفاجأه عندما التقيت به فى ندوة د / علاء الاسوانى الاسبوعيه لم يكن الرجل كما توقعت فكارثه مثل هذه كافية بان تهز اعتى الجبال هزا ولكنه كان بشوش الوجه مبتسم راض بقضاء الله غير مستسلم ولا ضعيف ومصمم على تحدى الحياة

.

انه رجلا تمنيت وانا احدثه ان اكون مثله او على الاقل فى نصف صبره فانا شاب اعانى من اليأس والاحباط وايا كانت اسبابى فلن ترقي الى فاجعه اسامه البحر وهو رجل فى السابعه والستين ويتعرض لماساه بهذا الحجم

.

فقد اسامه البحر فى يوم 24/12/2007 اسرته بالكامل والمكونة من زوجة وابنتين عندما تراهم تشعر بوجود الملائكه على الارض ولعل الله قد اختارهم لان الملائكه لا تعيش على الارض مع البشر

.

فقد زوجته السيد منى والتى كانت سنداً له فى حياته ومعينته على المصاعب والشدائد وحب عمره.

فقد ابنته ندا العروس التى كانت تستعد لزفافها

فقد ابته نهر الفنانه الرائعه التى هى خسارة لمصر كلها

مع ذلك فأن اسامه البحر مازال متمسكاً بالحياه واصبح هدفه هو محاربه الفساد فى المجتمع الذي تسبب بهذه الكارثه محاولا اخذ حق الشهيدات الثلاثه اقام معارض لعرض اعمال ابنته نهر اسامه البحر الفنانه التى شهد لها الجميع بالبراعه محاولا تخليد ذكراها

الحقيقه اننى من مقابلتى لاسامه البحر والحديث القصير جدا الذي دار بيننا قد تعلمت دروسا كثيره فى فن الحياة قد يعيش البعض طوال عمره دون ان يتعلمها .

ومن واجبنا بل ومن حقهم علينا ان نذكرهم دوما ونقرأ لهم الفاتحه هم وشهداء عمارة لوران جميعا بل وكل شهداء مصر فهم يستحقون كل التقدير والاحترام

المهندس / اسامه البحر

اتوجه اليه بخالص تعازى واحترامى والهمك الله الصبر وانا لله وانا اليه راجعون

جانب من اعمال الفنانه نهر اسامه البحر

اضغط هنا للدخول على مدونة الشهيدات منى ونهر وندا

لقاء اسامه البحر فى برنامج العاشرة مساءً

الجزء الاول

الجزء الثانى

الجزء الثالث

الحقيقه انى كنت انوى كتابه الكثير والكثير عن الرجل وعن عائلته ولكن كما سبق وذكرت لقد خانتنى الكلمات التى لن توفيه او توفيهم حقهم ابدا

رحم الله ملائكه البحر

هناك فرق

استيقظت فى الساعه الثالثه والنصف صباحا على صرخات مكتومه وصوت شخص يتألم بشده. كان هذا الشخص هو اسعد رفيقي لفتره فى السكن فى اماره دبي . اسعد كان فى الخامسه والاربعين كان يعمل محاسب فى نفس الشركة التى اعمل بها .وكان يجهد نفسه كثيرا فى العمل فى محاوله منه لسداد ديون متراكمه عليه .

اقتربت منه فى هلع وسالته بماذا يشعر كان يمسك صدره ويصرخ فى تألم شديد لدرجه شعرت فيها ان الرجل يحتضر .

ارتديت ملابسي سريعا وحاولت ان اجعله يستند على فلم يقدر فحملته على كتفى ونزلت به مسرعا ووضعته فى السياره واسرعت الى المستشفى بمجرد وقوفى بالسياره امام باب الطوارئ وشاهدوا ان معى مريض اسرع الى شخصان يحملون ما يسمى بالترولى الذي يتم نقل المرضي عليه ووضعوه عليه واسرعوا الى الداخل
دخل اسعد المكان المخصص لاستقبال الحالات الطارئه وفى اقل من دقيقه كان هناك طبيبين يفحصانه وممرضه تسرع بجهاز اعتقد انه يقوم بعمل رسم للقلب وخلال عشر دقائق تم تشخيص الحاله وعلمت من الطبيب ان اسعد قد اصيب بجلطه فى القلب.

بمجرد تشخيص الحاله كان الجميع يعمل حول اسعد كخليه نحل وبعد حوالى 20 دقيقه كان اسعد داخل غرفه العمليات يجري عمليه جراحيه ويحقن بمذيبات الجلطات وما يلزم للحفاظ على حياة انسان انتهت العمليه الجراحيه بنجاح ونقل اسعد الى غرفه بالمستشفى وهنا وجدت احد الاطباء يطلب منى اسمه والبطاقه الخاصه به.

وهنا افقت على حقيقه مؤلمه لقد قاموا بالرعايه الاوليه للرجل بمنتهى السرعه وتشخيص الحاله بل والقيام بعمليه جراحيه ونقل الرجل الى غرفه رعايه دون حتى ان يسألوا عن اسمه ولكن فقط لانه انسان حياته فى خطر والامور الباقيه تأتى فى النهايه وتذكرت عندما كنت فى مصر واصيب احد اصدقائي بجرح كبير فى يده وظل ينزف ومرورنا على اكثر من ثلالث مستشفيات ترفض استقباله بمنتهى السفاله والحقاره حتى نزف الكثير من دمه ولكن الله سلم

وتسألت لو كنا فى مصر الان ما المصير الذي كان ينتظر اسعد وهل كان سيري طفله الوحيد الذي ولد وهو فى الغربه ولم يره

حمدت الله على سلامة اسعد وغضبت غضبت بشدة

كل التحية لدوله الامارات .

عمرو اديب عندما يتكلم عديم الشرف عن الشرف

فى مصر لا يمكنك ان تستغرب شيئا ابدا فعندما يطل عليك السخيف عمرو اديب ليسب اللاعبين الذين يلعبون باسم مصر ويتهمهم بانهم كانوا يقضون سهره حمرا بعد مباراه ايطاليا ويتلفظ عليهم بالفاظ اقل ما توصف بانها قذره ولا تقال فى برنامج تلفزيونى وانما فى قهوه او غرزه عمرو اديب يعاتب زيدان حتى على مجرد صوره مع احدي المعجبات ونسي انه يقف وراء الراقصات ويشجعهم فى بلد المتناقضات الصوت الاعلى هو لصوت الباطل وكان من الاحري بعمرو اديب حتى لو قام لاعبونا بهذا الفعل بالفعل ان يدافع عنهم امام الجميع ثم نحاسبهم بعد ذلك داخليا بدون تشويه لسمعة مصر امام العالم عمرو اديب وعائلته من مليارديرات البلد الذين يعيثون فيها فسادا ويقضون كل لياليهم فى سهرات حمرا يسب المنتخب امام الجميع واذا ابتديت فى الكلام عن فساد هذه الحفنه من البهائم لن اتوقف ابدا فى الحقيقه ان ما قاله عمرو اديب قد اغضبنى بشده اكثر من هزيمه المنتخب نفسها ولا اجد تعبيرا افضل مما قاله حسن شحاته لو ان ذلك سيتسبب فى اهانتها فى شرفنا موجها كلامه لعمرو اديب فتظ فيكوا وتظ فى الكوره وتظ فى مصر الله يخرب بيتكوا

فعلا بلد معندهاش مبدأ
والانتماء ليها مبقاش يشرف بالعكس بقي يجيبلك الشتيمه

حاجه تقرف

ازدواجيه

ركبت الطائره متجها الى جزيره كيش الايرانيه لاول مره نظرا لانتهاء فتره وجودى القانونيه بدوله الامارات وكان من المحتم مغادره الامارات حتى استطيع العوده بفيزا جديده وحتى لا اكون فى وضع غير قانونى .

وجزيره كيش هى جزيره سياحيه تمتاز بالجمال وهو وجهه لكل من هو موجود بالامارات بفيزا زياره تنتهى كل 3 شهور فتذهب الى الجزيره وتعود الى الامارات بفيزا جديده وهكذا.

لم اكن املك الكثير من المال فى هذا الوقت فقد كنت فى وضع غير مستقر فى دبي بعد ولا احظى بدخل مناسب فقررت ان اختار فندق رخيص لانى لا اعلم متى تحديدا ستصلنى الفيزا الجديده واخترت احد الفنادق المتواضعه .

كانت الغرفه تضم ثلاث اشخاص ولكنها كانت نظيفه وجيده التهويه فلم اتضايق خصوصا انى لا اعرف شخصا واحدا فى الجزيره فكانت فرصه للتعرف على رفقاء الغرفه.

وصدف ان الشخصين مصريين كان احدهما شاب من مدينه ريفيه وكان الاخر فى نهايه الثلاثينات او بدايه الاربعينات ذو لحيه ويرتدي دوما جلبابا.

فى احدي الغرف فى الفندق كانت تقيم فتاه مغربيه فى غرفه خاصه . تعرف عليها الشاب الريفى واصبحوا اصدقاء واصبح يتسلسل الى غرفتها كل ليله ليقضى معها الليل ثم يصعد فى اليوم التالى متباهيا بقدراته الجنسيه مع الفتاه وكان صاحب اللحيه يستمع اليه بدون اى امتعاض او ضيق بل بالعكس كان يستمع ويسأل عن التفاصيل ولكنى لم انشغل اليه كثيرا.

كان صباح يوم الجمعه وكنا نواجه مشكله اين سنصلى صلاه الجمعه فلم نكن نستطيع الصلاه فى المساجد فى الجزيره الايرانيه حيث تختلف صلاه الشيعه عن صلاه السنه فقررنا الصلاه فى الفندق ووقف ذو اللحيه يلقى خطبه الجمعه وقام بتنبيهنا الى تجنب الحرام وترك المنكرات وذكرنا بالثواب والعقاب فى خشوع وصدق وبلاغه . كنت انظر اليه متسائلا كيف انك شخصا على علم بامور الدين ولا يصيبك الامتعاض على الاقل عندما يحكى لك شاب عن علاقته الجنسيه بل وتحب الاستماع اليها ولكنى تجاهلت الموضوع مره اخري.

فى هذا اليوم فى المساء نزلنا انا والريفي وصاحب اللحيه لنقوم بالسير قليلا ومشاهده المحلات التجاريه والتنزه واثناء خروجنا من الفندق تقابلنا مع الفتاه المغربيه فعرض عليها الريفى التنزه معنا ووافقت.

اثناء السير كان ذو اللحيه بين الحين والاخر يحدث الريفي هامسا بكلام لم اسمعه وبعد قليل انتهز الريفى ابتعاد ذو اللحيه قليلا وقال لى ما مشكله هذا الرجل . قلت له ما الموضوع ؟ اجابنى بانه منذ خروجنا من الفندق يحدثنى عن انواع من المنشطات يمكننى استعمالها مع الفتاه والان قال لى انه سوف يذهب ويحضر لى نوع من الشيكولاته التى تقوى جنسيا على حسابه الخاص .

قلت له ان هذا الشخص قطعا غير متزن فكيف يدعى التدين ويفعل هذا وقررت مواجهته. 

عاد الرجل فطلبت منه الحديث على انفراد وقلت له . الحقيقه انا لا افهم كيف تكون على علم بالدين وتشجعه على هذا اليس هذا بزنا ياشيخ؟

تلعثم الرجل واصفر وجهه قائلا طبعا ولكن ربما لن يقبل منى النصيحه مباشره واحاول ان انصحه تدريجيا .

قلت له انت لا تجد اجابه وكنت تظن انه لاننا شباب ونقع فى هذه الاخطاء سنفرح بك لانك لا تنهنا ولكنك مخطى امثالك هم من نحترمهم وننتظر منهم النصيحه ولكنك لا تصلح لان تكون قدوه ولا خطيب ولست جدير بالاحترام . وتطور الامر الى مشاده كلاميه انصرف بعدها الرجل. وعندما عدنا الى الفندق وجدناه قد ترك الغرفه.

نمت هذه الليله غاضبا من هذا الشخص الذى هو مثال سئ للمتدين الملتزم .

 ولكنى الى الحين لم افهم طبيعه نفسيته ولا منطق حياته وتسألت هل هذا هو معنى الازدواجيه؟

لمصر

بلدي
بلدي يابلدي
بلدي ياقاتله بايدك ولدي
بلدي يامانعه النور يجي عندي
سبتك مره وقلت انساكى
بس رجعت وقلت اشوفك
شفت دموعك شفت كسوفك
شفت الحزن فى كل مكان
هم معشش عل الجدران
يأس وحيره ناس ياما فقيره
دايما منتظرين احسان
ظلم وبطش وقله قيمه
ناس مضروبه ميت صرمه قديمه
دايما خايفين مالسجان
اذا كنا فى يوم من عشاقها
لازم بنفسنا نبداها
ونغير نفسنا بادينا
ونشوف العالم حوالينا
ونكون ناس باصين لبعيد
ترجع لبلدنا كرامتها
واعدائنا راح نخرب بيتها
واللى يهينا نرد عليه
اه يامصر تاعبانى غباوتك
لكن بتغزل فى حلاوتك
ويارب فى يوم اشوفك زاهيه
وسط العالم متباهيه
واقف واغنى فى قلب ميدان
انا مصري وابويا مصري كمان
ونعيش يابلدنا عيشه صافيه

اعصار

اعصار قادم قد يحرق كل الغابات
قد يقتل قلبي ويريحه من كل الاهات
اعصار قادم انتظره ليغير كل المسارات
اعصار لم يأتى ابدا انتظره الاف المرات
لكن يقينى يخبرنى انه ات فى يوم ات
انتظره من اجل الافضل من اجل عبور الازمات
انتظره يجلب لى جديده وينسينى قديم قد فات
اعصاري صديق الاحلام قد يحضر احلى الاميرات
من قصر عاجي قد جعلت فى طريقه كل العقبات
وانا دوما معتاد على خوض عراك الملكات
لكن الملكه قد تقتل فى طريقها كل النزوات
ويضيع الاعصار القادم وتعود لقلبى الاهات

منع المواقع الاباحيه

س: عرفت اللى حصل

ص: ايه

س: مش هيمنعوا مواقع السكس

ص: يانهار ازرق ليه

س: بيقلك عيب

ص: عيب 

ص: عيب علي مين علينا

س: اه طبعا بيقولوا علينا وحشين

ص: معاك حق

ص: احنا وحشين 

عارف ليه 

عشان فقرا ولاد كلب

لو كنا اغنيا

كنا على الاقل رحنا اتفرجنا على النسوان فى الساحل الشمالى ولا مارينا

كنا رحنا سهرنا فى اى نايت كلاب واخدنا منو بنات ومشينا

لو كان لينا لازمه

كنا اتجوزنا وبدل الواحده اتنين

ومكناش بصينا على اللى رايحه واللى جايه

س: انا بجد مش عارف اعمل ايه انا هالحق اسجل بقي على اسطوانات

ص:انا عندي حل كويس نعرضه على الحكومه

س: ايه

ص:

هما يعملولنا فرز الناس اللى عايشه حياتها وعندها الفرصه تمارس الجنس يسيبوها

والناس اللى زينا يخصوها احسن

س: الناس ديه مش قادره تفهم ليه انا عندي 32 سنه وعمري ما بوست واحده

عمري ماشفت واحده عريانه حتى من بعيد

انا ما اعرفش اي حاجه عن الجنس غير من الافلام حتى دي مستكترنها علينا

طيب لو مشفتش افلام واتجوزت

مراتى دي هاعمل معاها ايه

وانا معنديش فكره عن حاجه اكيد مش هكفيها

وحاجه من اتنين ياتطلع بنت ناس وتعيش معايا قرفانه منى

يتطلع بنت جزمه وتدور على اللى يكفيها بره من اللى عندهم خبره

س: اقلك على حاجه انا قرفت من البلد دي

بيقوللنا كده غلط

طيب ساعدونا على الصح

ولا على رايك يخصونا احسن

اغنيه بتلمس روحي

الحكم باعدام هشام طلعت والسكري

 ذكرت مصادر قضائية ان رجل الاعمال المصري هشام طلعت مصطفى صدر عليه حكم بالاعدام يوم الخميس لادانته في قضية مقتل المغنية اللبنانية سوزان تميم.

وكان مصطفى الرئيس السابق لمجموعة طلعت مصطفى التي تعمل بالعقارات في مصر ودول عربية أخرى قد اتهم بدفع مليوني دولار لضابط الشرطة السابق محسن السكري لقتل تميم. ووقعت الجريمة في منزل تميم في دبي في 28 يوليو تموز.

وقالت المصادر ان السكري حكم عليه بالاعدام أيضا.

وأضاف شهود عيان أن مصطفى والسكري انهارا لدى النطق بالحكم وأن ارتباكا شديدا ساد القاعة ومبنى المحكمة بينما أغشي على عدد من أقارب المحكوم عليهما.

وقال شاهد ان بعض أقارب مصطفى تعاركوا مع المصورين الذين حاولوا التقاط صور له في القفص بعد النطق بالحكم وحطموا احدى الات التصوير.

واضاف أن بعض اقاربه نقلوا للعلاج في سيارات خاصة وسيارة اسعاف

الخبر من موقع اخبارك

انا لله وانا اليه راجعون (وفاة حفيد الرئيس مبارك)

لا املك سوى ذاتى

لا املك سوى ذاتى

ولكى منى تحياتى

لا املك سوى ذاتى

والخوف من زمن اتى

لا يوجد قصر ولا يوجد فرس ابيض

لا حدائق غناء لاخدم ولا عبد اسود

لا املك سوى ذاتى

ما عندي قليل فهل من مشارك ل أهاتى

لا املك سوى ذاتى

وذاتى تعانى من الاتى

من خوف مجهول قد ملئ على حياتى

من وهم قد ملئ فراغي واوقاتى

من يأس من كبت من احساس بقرب مماتى

لا املك سوى ذاتى

من فرح بالقرب من حب قد ملئ حياتى

من امل ان يفعل ما لم افعل طول السنوات

من شوق للقائه يقتحم علي خلواتى

واليكى اكتب

لا املك سوى ذاتى

فهل تكفيك؟

صرخة روح

يدق القلب فى صمت مهيب

تفور الدماء فى عنف رهيب

تتغير رؤيه العالم الكئيب

ويصبح كأنه دوماً الحبيب

تشاء الظروف ان يشرق المغيب

وتجد انحنائك يبدد المشيب

تخرج روحك لتعبث فى هدوء

كأنها تهوى فزع السراديب

تجذبها اليك لترقد فى سلام

فتصرخ تقول دع عنى القيود

خلقت لاصبح بدون حدود

ارفع الوصم عن الايدز

مبادرة المدونين العرب لرفع الوصم عن المتعايشين مع مرض الأيدز وحماية حقوقهم في المركز الثقافي الدولي

بالدقي17شارع السد العالي امام مستشفي الشبراويشي

السبت – 2 مايو من الساعة السادسة إلى الساعة العاشرةالدعوة عامة الضيوف :

• مدونون من مصر والدول العربية

• ممثل البرنامج الإقليمي للأيدز في الدول العربية التابع للبرنامج الإنمائي للأمم المتحدة UNDP/HARPAS•

ممثل المركز الثقافي الدولي•

إمام مسجد صلاح الدين بالمنيل الشيخ سيد صباح

• الأب بولس سرور كاهن كنيسة مارجرجس بجزيرة بدران•

إمام مسجد النور بالعباسية الشيخ أحمد تركي•

الكاتبة الكبيرة نجلاء بدير

• ممثلون لمنظمات حقوق إنسان مصرية ( ممثل المبادرة المصرية للحقوق الشخصية EIPR وغيرها )الفقرات والمواضيع التي سيتم مناقشتها :

-معلومات وحقائق عن مدى انتشار مرض الأيدز في المنطقة العربية.

-معلومات عن الفئات الأكثر عرضة للإصابة بهذا المرض وطرق الوقاية منه

.-شهادات حية لمتعايشين مع فيروس مرض الأيدز

.-لقاء مع قادة دينيين ونظرة الدين لمرض الأيدز والمتعايشين معه.

-حوار مفتوح مع بعض أعلام الفن والصحافة.

-مبادرة صراحة: مبادرة المدونين العرب في التجاوب مع مرض الأيدز – التاريخ والأهداف-عروض فيديو* مدونون ومدونات تشارك/تدعم مبادرة صراحة وحقوق المتعايشين مع مرض الأيدز:

أحمد شقير – مصر

حفصة زغموت – قطر

غادة عبد العال - مصر

شريف عبد العزيز -مصر

عصام حمود – الجزائر

نبيل أحمد – اليمن

عمرو عزت – مصر

رضوى أسامة – مصر

جاين لوميل – مصر

سعيد احجيوج – المغرب

مينا زكري – مصر

ماريان ناجي – مصر

سارة الزعيمي - المغرب

بسمة موسى – مصر

صفاء سيد – مصر

منعم محمود – مصر

ندا - الاردن

رامز الشرقاوي - مصر

محمود عزت – مصر

إيناس لطفي – مصر

هاني جورج- مصر

سعاد الخواجة - البحرين

زينب غصن - لبنان

نور الأسعد - لبنان

شمعي اسعد - مصر

راندا ابو الدهب - مصر

الموقع على فيس بوك

وجودى

وجودي وجودى كان من عدم
وكيف لنفسي ان تشعر الندم
انقاذ لسانى من البكم
فداء بدنى من الالم
كل الحواس تطلب الاهم
حياه الخيال ودنيا الزخم
شعور البراح ولعب القلم
عقل فسيح يبحث فى نهم
فيجد مكانا بين الامم
فكم اخشي دوما ادراك الهِرم
اكون عجوزا فى دنيا النعم
ويصبح وجودي مثل العدم

الهرم=الطعن فى السن